AZƏRİŞIQ ASC-i RÜŞVƏTLƏ İŞLƏYİR, KİM RÜŞVƏT VERMƏSƏ MƏNİM KİMİ AYLARLA SÜRÜNDÜRÜLƏCƏK

bandicam 2021 04 09 14 42 42 644

Videonun sonunda, AZƏRİŞIQ ASC-nin savadsız, etik qaydalardan xəbərsiz olan məmurunun səs yazısı verilmişdir. Özündən razı məmur vətəndaşlarla nə cür danışmaq nə cür rəftar edilməsini bilmir. Səs yazısını dinlədikdə şahidi olacaqsınız ki, bu məmur vətəndaşları dövlətə qarşı, Prezidentə qarşı qaldırmağa çalışır. Deyir ki, göstəriş vermişik 10 kv elektrik xəttinin yaxınlığında yerləşən bütün sayğaclar kimliyindən asılı olmayaraq hamısı söküləcək. Bu da o deməkdir ki, Azərbaycan Respublikasının 100 lərlə 1000 lərlə vətəndaşının sayğacları söküləcək və elektrik verilişi dayandırılacaq. Bu da AZƏRİŞIQ məmurunun dövlətə qarşı çıxışı.

05 yanvar 2021-ci ildə Tovuz ASANXİDMƏT mərkəzinə müraciət edərək Tovuz rayonu Qovlar şəhəri təzə məhlə deyilən ərazidə Əhmədov Tural Vaqif oğlunun adına çıxarışı olan,onun adına rəsmiləşdirilmiş evə elektrik sayğacı quraşdırılması və elektrik şəbəkəsinə qoşulması haqqda ərizə vermişdim.

05 yanvar 2021-ci il tarixdən 07 aprel 2021-ci il tarixə kimi ASANXİDMƏT-ə 3 dəfə ərizə vermişəm. Hər 3 müraciətə həmin yaşayış evinin hasarı olmadığı üçün imtina verilib.

07 aprel 2021-ci il tarixli 4-cü müraciətimə isə imtina verirlər ki, Əhmədov Tural Vaqif oğlunun həyətində 10 kv elektrik xətti mövcuddur.

3 ay ərzində əvvəlcə imtina verilir ki, evin hasarı yoxdur. Kütləvi İnformasiya Vasitələrində bu məsələni ictimailəşdirdikdən və dövlət qurumlarına müraciət etdikdən sonra Azərişıq ASC-i bu məsələni ört-bastır etmək üçün başqa bir bəhanə uyduraraq imtina vermişdir.

 

Vaqif ƏHMƏDOV,

araz.az xəbər portalının xüsusi muxbiri.

Nüfuzlu media orqanı Ermənistanın Dağlıq Qarabağda istifadə etdiyi şübhəli "İskəndər"dən yazıb

WhatsApp Image 2021 04 08 at 18.08.54

Azərbaycanın Moldovadakı səfirliyindən araz.az-a daxil olan məlumata görə, bu ölkənin tanınmış noi.md informasiya portalı Şuşa şəhərində aşkarlanan “İskəndər-M” raketinin qalıqları haqqında sanballı məqalə dərc edib. “Ermənistan Dağlıq Qarabağda istifadə olunan şübhəli "İskəndər"i haradan əldə edib?” sərlövhəli həmin məqalənin Moldova mətbuatında yayımlanan linkinə keçid belədir: https://noi.md/ru/v-mire/otkuda-armeniya-vzyala-neuchtennye-iskandery-primenyavshiesya-v-nagornom-karabahe
araz.az xəbər portalı həmin məqalənin Azərbaycan dilinə tərcüməsini dəyərli oxucularının diqqətinə çatdırır:

"Rusiya Federal Təhlükəsizlik Xidmətinin Hərbi Əks Kəşfiyyat Departamenti Ermənistanın şübhəli "İskəndər" raket sistemlərinin görünüşü və onların Dağlıq Qarabağda istifadəsi ilə bağlı istintaq başladıb. Azərbaycan dəfələrlə ən yüksək səviyyədə qaçaqmalçılıq yolu ilə Ermənistan tərəfinin silah tədarükü etdiyini elan etmiş və qaçaq silah təchizatı sxemlərində iştirak edənlərə qarşı sərt tədbirlər görülməsini tələb etmişdir.
Xatırladaq ki, Azərbaycan Ərazilərinin Minalardan Təmizlənməsi Agentliyinin (ANAMA) əməkdaşları tərəfindən martın 15-də minaların təmizlənməsi zamanı Şuşa şəhərində tapılan iki "İskəndər" raketinin parçalarını Bakıda təqdim edilib. Ermənistan bu raketlərin istifadəsini rədd etsədə, lakin tapıntılar bunun əksini göstərir.
"Raket qalıqları bir-birindən 780 metr aralıqda idi. Son istintaq, Şuşa şəhəri istiqamətində İskəndər-M raketinin atıldığını göstərir" -- deyə, ANAMA-nın operativ qərargahının rəisi İdris İsmayılov bildirib.
Eyni zamanda, fevral ayının sonunda Rusiya Müdafiə Nazirliyi, Dağlıq Qarabağdakı münaqişə zamanı İskəndər raket sistemlərindən heç birinin istifadə edilmədiyini bildirib. Nazirlik raketlərin bütün sursat ehtiyatlarının Ermənistan Silahlı Qüvvələrinin anbarlarında olduğunu vurğulayıb.
Ehtimal olunurdu ki, Ermənistana "İskəndər"in ixrac versiyası, yəni "İskəndər-E" modifikasiyası çatdırılmışdır. Çünki "İskəndər -M" raketlərinin qoyulan hədəfi 500 km məsafədə məhv etdiyini nəzərə alaraq, bu raketlərin beynəlxalq satışa çıxarılması, həm də beynəlxalq öhdəliklərin pozulması deməkdir. Eyni zamanda, açıqlanan məlumatlara görə, partladılan raketlərin tapılan qalıqları məhz "İskəndər"in "uzaq məsafəli" versiyasıdır.
Kremlin sözçüsü, Rusiya Prezidentinin mətbuat katibi Dmitri Peskov, vəziyyəti şərh edərkən, parçaları Şuşada tapılan İskəndər raketinin haradan gələ biləcəyinə dair heç bir məlumatının olmadığını söyləyib.
Maraqlıdır ki, erməni tərəfi "İskəndər" raketindən istifadə etdiyini gizlətmirdi. Ermənistanın Baş naziri Nikol Paşinyan müsahibəsində Dağlıq Qarabağdakı müharibə zamanı "İskəndər"dən istifadə edildiyini və onun partlamadığını və ya 10% -nin partladığını söyləmişdir. Doğrudur, sonradan Baş nazirin mətbuat katibi ona yalnış məlumat verildiyini və bu açıqlamanı təkzib etmişdi. Ölkənin keçmiş prezidenti Serj Sarkisyan da bir müsahibəsində erməni hərbçilərinin döyüş əməliyyatlarının başlanğıcında İskəndərdən istifadə edə biləcəyindən söz açmışdı. Ermənistan Müdafiə Nazirliyinin keçmiş hərbi müfəttişi Movses Hakobyan da "İskəndər" raketlərindən istifadə edildiyini açıqlamışdı.WhatsApp Image 2021 04 08 at 18.09.03

Azərbaycan tərəfi Ermənistan ordusunda "İskəndər" raketlərinin olduğunu bilirdi. 2016-cı ildə "İskəndər" Yerevandakı hərbi paradda nümayiş olunmuşdu və daha sonra rəsmi məlumata görə bu silahın Rusiya tərəfindən təmin edildiyi bildirilmişdir. Raketin KTMT çərçivəsində silah tədarükünə dair müqavilələr əsasında Ermənistana verildiyi qeyd edilmişdir.
Bununla yanaşı, Şuşada tapılan raket qalıqları, onların Rusiya ordusunda xidmətdə olan və yuxarıda qeyd edildiyi kimi ixracı beynəlxalq müqavilələrlə qadağan olunan "İskəndər-M" raket sistemindən atıldıqlarını göstərir. Ermənistan ordusunun raketdən istifadəsi heç bir şəkildə beynəlxalq müqavilələrə uyğun ola bilməz.
Eyni zamanda, tapılan raketlərin qəlpələri onların ya Ermənistan ərazisindən, ya da Ermənistan ordusunun nəzarətində olan Qarabağ ərazilərindən atıldığını göstərir. Rusiya Federal Təhlükəsizlik Xidmətinin Hərbi Əks Kəşfiyyat Departamenti artıq Ermənistanda şübhəli "İskəndər" raketlərinin meydana çıxması və onların Dağlıq Qarabağda istifadəsi ilə bağlı istintaqa başlayıb.
Azərbaycan isə dəfələrlə ən yüksək səviyyədə qaçaqmalçılıq yolu ilə Ermənistan tərəfinə silah tədarük edildiyini elan edib. Bunu Azərbaycan Prezidenti İlham Əliyev də bəyan edib
araz.az xəbər portalı.

TOVUZDA “ASAN XİDMƏT” MƏRKƏZİ “ÇƏTİN XİDMƏT” MƏRKƏZİNƏ ÇEVRİLİB-ŞOK OLAY

WhatsApp Image 2021 04 07 at 13.20.12

Tovuzdakı “Asan Xidmət”də yaşanan bir çox qeyri-qanuni addımlarla bağlı 08 fevral 2021-ci il tarixdə məqalə hazırladım və həm facebook səhifəmdə, həm də bir neçə xəbər portallarında yayımladım. Çox təəssüf hissi ilə qeyd edim ki, yayımladığım yazı əsasında nə “Azərişıq” ASC, nə də ki, Tovuz Rayon Elektrik Şəbəkəsi qeyd etdiklərim problemlərlə bağlı heç bir tədbir görmədi, heç bir reaksiya vermədi. Faktdır ki, bu gün də Şəbəkənin əməkdaşları vətəndaşları aldatmaqda və incitməkdə davam edirlər. Hər hansı problemi həll etmək üçün Tovuzda sakinləri aylarla süründürürlər ki, son anda onlar məcbur olub kimlərəsə rüşvət versinlər. Tovuz Rayon Elektrik Şəbəkəsinin əməkdaşları Azərbaycan Respublikası Prezidenti cənab İlham Əliyevin tapşırıq və tövsiyyələrinə əməl etmirlər, sakinlərə “divan tutmaq”da davam edirlər.

   Qeyd edim ki, 05 yanvar 2021-ci il tarixdə TOVUZDAKI “ASAN XİDMƏT” mərkəzınə müraciət etdim. Məqsədim Əhmədov T.V oğlunun adına çıxarış olan evə texniki şərt əldə etmək, həmçinin həmin ünvana sayğacın quraşdırılmasına nail olmaq idi. Xeyli müddət bundan əvvəl bu məqsədlə adı çəkilən quruma ərizə də təqdim etmişdim. Qeyd edim ki, kabelləşdirilmiş elektrik xətti və elektrik dirəyi həmin evin təqribən 2 metr aralı məsafəsində yerləşir. 05 yanvar 2021-ci il tarixdən bu günə kimi, yəni ötən üç ay ərzində bu məsələ ilə bağlı dörd dəfə TOVUZDAKI “ASAN XİDMƏT”ə müraçiət etmişəm. Faktdır ki, Tovuz Rayon Elektrik Şəbəkəsinin əməkdaşlarına rüşvət vermədiyim üçün, onlar müxtəlif bəhanələr danışıb vəzifələrini icra etmirlər, yaxud da icra etmək istəmirlər. 30 mart 2021-ci il tarixdə, yəni sonuncu dəfə TOVUZDAKI “ASAN XİDMƏT”də oldum və bu günə kimi heç bir tədbir görülmədiyi üçün, məhz qarşı tərəfə hədsiz narazılığımı və iradımı bildirdim. Əgər hər hansı bir çatışmazlıq varsa, yaxud da imtina verilirsə, o halda mənə rəsmi qaydada yazılı cavab verilməli idi. Bununla bağlı indiyə kimi heç bir cavab verilməyib. Bir qədər vaxt keçdikdən sonra mənə “ASAN XİDMƏT”dən təkrar bildirdilər ki, Tovuz Rayon Elektrik Şəbəkəsi “evin hasarı yoxdur” deyə imtina verir. Mən onlara fotoşəkil və video göstərib evin hasarı və 4 metr eni olan dəmir darvazasının olduğunu sübut etdim. Baş verənlərdən belə bir nəticəyə gəlmək olar ki, RÜŞVƏT verilməsə, deməli həmin evə sayğac quraşdırılmayacaq. Fotolardan da aydın görünür ki, elektrik dirəyi  Əhmədov.T.V oğluna məxsus evin təqribən 2 metr aralı məsafəsindən keçir.

Tovuz Rayon Elektrik Şəbəkəsi əməkdaşlarının ötən üç ay ərzində məni süründürmələri onu göstərir ki, mən son anda əlacsız qalıb onlara rüşvət verim. Ona görə də aidiyyatı dövlət qurumlarına təklif edirəm ki, TOVUZDAKI “ASAN XİDMƏT”mərkəzinin adını dəyişdirib “ÇƏTİN  XİDMƏT” mərkəzi qoysunlar. Bəlkə o halda dərdimizə çətinliklə də olsa əlac edildi.

Vaqif Əhmədov

 

Azərbaycan Mətbuat Şurasının jurnalistlərin vaksinasiya olunması ilə bağlı məlumatı

WhatsApp Image 2021 04 06 at 19.20.25

Azərbaycan Mətbuat Şurasının “COVID-19” xəstəliyi əleyhinə vaksinasiyanın aparılması ilə bağlı Azərbaycan Respublikasının Nazirlər Kabinetinə ünvanladığı müraciət aidiyyatı üzrə Azərbaycan Respublikasını İcbari Tibbi Sığorta üzrə Dövlət Agentliyində baxılıb. Bununla bağlı agentlikdən Şuraya daxil olan məktubda bildirilir ki, jurnalistlərin vaksinasiya olunması ilə əlaqədar müvafiq tapşırıq verilib. Şuradan araz.az-a daxil olan məlumata görə, həmin məktubda həmçinin vaksinasiya olunacaq jurnalistlərin siyahısının “Tibbi Ərazi Bölmələrini İdarəetmə Birliyi” publik hüquqi şəxsə (TƏBİB) təqdim edilməsinin vacibliyi vurğulanıb.
Mətbuat Şurası bununla əlaqədar olaraq KİV redaksiyalarından yaşı 18-dən yuxarı olan və vaksinasiyadan keçməyən əməkdaşlarının siyahısını Şuraya ünvanlamağı xahiş edir. Siyahı redaksiyanın rəsmi blankında olmalı və möhürlə təsdiqlənməlidir. Orada vaksinasiya olunacaq jurnalistlərlə bağlı aşağıdakılar yer almalıdır:
1. Adı, soyadı, atasının adı;
2. Doğum tarixi;
3. Şəxsiyyət vəsiqəsinin rekvizitləri (seriya və nömrə və ya fin kod);
4. Əlaqə vasitələri (şəhər telefonu və mobil telefon).
Siyahı şəxsən də, Mətbuat Şurasının Bu email ünvanı spambotlardan qorunur. Onu görmək üçün JavaScripti qoşmaq lazımdır.Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron poçt ünvanlarına da (PDF faylda skan olunmuş formada) göndərilə bilər.
Mətbuat Şurasından əlaqələndirici şəxs Əvəz Rüstəmov: (012) 441 35 30; (050) 206 96 02
Qeyd edək ki, Azərbaycan Mətbuat Şurası KİV redaksiyaları tərəfindən daxil olmuş siyahıları ümumiləşdirib TƏBİB-ə təqdim edəcəkdir. Bundan sonrakı prosedur da tərəfimizdən diqqətdə saxlanılacaqdır.
Mətbuat Şurası KİV rəhbərlərinə müraciət edərək onları əməkdaşlarının vaksinasiya olunması prosesinə həssas yanaşmağa, bununla bağlı nəzərdə tutulan proseduru mümkün qədər tez bir zamanda icra etməyə çağırır.
araz.az xəbər portalı.

Tovuz Elektrik Şəbəkəsinin əməkdaşları sakinlərə “divan tutmaq”da davam edirlər – FOTO/FAKT

image

 Ölkə rəhbəri cənab İlham Əliyev keçirilən müşavirələrdə, digər tədbirlərdə daim hər bir vəzifə sahibinə “Xalqla işləməyi bacarın, sakinləri dinləyin, onların problemlərinin həllinə çalışın” deyə lazımi tapşırıqlarını versə də, deyəsən Tovuz Rayon Elektrik Şəbəkəsinin rəhbərliyində olan şəxslərin bəziləri, hələ də verilən tapşırıqların onlara  aidiyyəti olmadığı qənaətindədirlər. Buna baxmayaraq biz üz-üzə qaldığımız problemləri ictimailəşdirmək qərarına gəldik və o haqda da düşündük ki, ölkə rəhbərinin verdiyi tapşırıqlara məhəl qoymayan Tovuz Rayon Elektrik Şəbəkəsinin rəhbərliyi, bəlkə atdığı addımlarına görə tabe olduğu “Azərişıq” ASC-nin rəhbərliyi tərəfindən cəzalandırılacaq? Təəssüflər olsun ki, bugünə kimi baş verənləri ictimailəşdirsək də, hələ də Tovuz Rayon Elektrik Şəbəkəsinin rəhbərliyi ilə bərabər, adı çəkilən bu qurumun bəzi əməkdaşları da adət etdikləri “çirkin əməllər”indən əl çəkmirlər. Yəni, həmin şəxslər vətəndaşları incidirlər, müxtəlif bəhanələr gətirməklə insanlardan rüşvət tələb edirlər. Məsələn, 20 dekabr 2020-ci il tarixdə araz.az   saytında “Tovuz Rayon Elektrik Şəbəkəsi 12 nəfər sahibkara “tələ qurub” başlıqlı yazı yayımlanmışdı və həmin yazıda bir çox mətləblərə də toxunulmuşdur. Bu problem isə şəxsən övladıma aid olduğundan, 05 yanvar 2021-ci il tarixdə Tovuz “ASAN XİDMƏT”-ə getdim və Tovuz rayonunun Qovlar şəhəri “TƏZƏ MƏHLƏ” adı ilə tanınan ərazidə oğlumun adına rəsmiləşdirilmiş evə TEXNİKİ ŞƏRTİN VERİLMƏSİ və ELEKTRİK ŞƏBƏKƏSİNƏ qoşulması haqqında ərizə ilə mürtaciət etdim. “ASAN XİDMƏT”-də bildirdilər ki, “Üç iş günü ərzində Tovuz Elektrik Şəbəkəsinin əməkdaşları sizinlə əlaqə saxlayıb evə baxış keçirəcəklər və baxış keçirildikdən bir gün sonra isə, gəlib ödəniş etməli olacaqsınız. Daha sonra Elektrik Şəbəkənin əməkdaşları sayğacı quraşdırıb, elektrik xəttini isə şəbəkəyə qoşacaqlar” desələr də, bu gün də problem öz həllini tapmayıb. Həmin vaxt öz-özlüyümdə düşündüm ki, bu da məsələnin ASAN HƏLLİ olacaq. Hardan biləydim ki, atalar demişkən “Sən saydığını say, gör fələk nə sayır”.imagei

   Düzdür, 07 yanvar 2021-ci il tarixdə Tovuz Rayon Elektrik Şəbəkəsinin əməkdaşı mənimlə əlaqə saxladı və biz birlikdə evə baxış keçirdik. Həmin vaxt həyətlərin orta hissəsində yerləşən 10 kv-luq yüksək gərginlikli elektrik xəttlərinin sakinlərin həyatına  təhlükə törətdiyini ona bildirdim. Həmin şəxs təhlükə törədən üç elektrik dirəyinin şəkillərini çəkdi və “Bu haqda rəhbərlik tədbir görəcək” deyərək çıxıb getdi. Həmin vaxtdan 20 gün keçsə də,  Tovuz Rayon Elektrik Şəbəkəsindən heç bir səs-soraq çıxmadı. Belə olan halda məcbur olub 27 yanvar 2021-ci il tarixdə təkrar “ASAN XİDMƏT”-ə müraciət etdim. Həmin vaxt mənə məlumat çatdı ki, Tovuz Rayon Elektrik Şəbəkəsindən “ASAN XİDMƏT”-ə məlumat çatdırıblar ki, qeyd olunan evə hasar çəkilməyib. Ona görə də evə texniki şərtin verilməsindən və elektrik xəttinin çəkilişindən imtina olunur. Çox maraqlı və olduqca düşündürücü yanaşma olur. Çünki, yaşayış evi hazır vəziyyətdədir və evin hasarı, 4 metr eni olan dəmir qapısı var. Belə olan halda  təkrar “ASAN XİDMƏT”-ə ərizə ilə müraciət etdim. Adı çəkilən bu qurumdan üç iş günü ərzində müraciətimə cavab verilməli olduğu halda, sonuncu müraciətimdən on üç gün keçməsinə baxmayaraq, bu gün də heç bir cavab yoxdur. Bu da Tovuz Rayon Elektrik Şəbəkəsi rəhbərliyinin fəaliyyətsizliyi, süründürməçiliyi, bacarıqsızlığı, bir sözlə ölkə rəhbəri cənab İlham Əliyevin verdiyi tapşırıq və tövsiyyələrə laqeyd yanaşması və əməl etməmələridir. Qeyd edim ki, həmin küçədə elektrik xətləri tam şəkildə kabelləşdirilmiş və bu iş həyata keçirilən zaman,  Elektrik Şəbəkənin əməkdaşları hər yaşayış evindən 20- 50 manat arası pul alırlar. Bundan əlavə, onlar hər yaşayış evinin yüksək gərginlikli elektrik xəttinə qoşulması üçün 10-20 manat, “zajim” deyilən detala görə də əlavə 10-20 manat məbləğində “rüsum” ödənilməli olduqlarını bildirirlər. Faktdır ki,  qoşulma və “zajim”-a görə toplanan pullar qeyri-qanuni yığılan pullardır. Əgər bunlar qanuni yığılırsa, o halda yığılan pullara görə hər kəsə qəbz verilməlidir. Əgər qəbz verilmirsə, deməli Elektrik Şəbəkənin əməkdaşları sakinləri aldadaraq pul yığırlar. Qeyd olunan şəkildəki evin sahibəsi imkansız və tək qadındır və həmin qadın tələb olunan “RÜSUM”-u ödəmədiyi üçün, onun evini kabelləşdirilmiş xəttə qoşmurlar. Qadın imkansız olduğunu bildirir və xahiş edir ki, onun evini də  kabelləşdirilmiş xəttə qoşsunlar. Digər bir məsələ, həmin evin elektrik dirəyinə diqqət yetirdikdə bəlli olur ki,  ağacdan olan dirək çürümüşdür. Qeyd edim ki, həmin dirək illər öncə ev sahibi tərəfindən basdırılmış dirəkdir. Dirək çürüdüyündən hər an yıxıla bilər və bu bir təhlükə mənbəyidir. Tovuz Rayon Elektrik Şəbəkənin işçilərini belə təhlükəli hallar maraqlandırmır, onları ancaq pul-para maraqlandırır. Bu da onu təsdiq edir ki, Tovuzda  Elektrik Şəbəkənin işçiləri sakinləri incidirlər və onlara qarşı istədikləri kimi hərəkət edirlər.image 1

    Başqa bir faktı da qeyd edək və baş verəcək təhlükədən də söz açaq və bunu həm “Azərişıq” ASC-nin, həm də aidiyyəti qurumların diqqətinə çatdıraq. Şəkillərdə görünən yüksək gərginlikli elektrik xətlərinin dirəkləridir və həmin dirəklər həyətlərin orta hissələrinə basdırılıb ki, bir qədər külək əsdikdə həmin dirəklər titrəməyə başlayır. Yəni, onların hər biri birbaşa təhlükə mənbəyidir. Elektrik naqilləri yerdən təqribən 1.5 metr hündürlük məsafədədir və elə yerlər var ki, orada elektrik naqilləri meyvə ağaclarına toxunur. Belə bir səbəbdən də, yağmurlu günlərdə  heç kim qorxusundan ərsəyə gətirdiyi bağına girə bilmir. Yəni, hər an xoşagəlməz hadisələr baş verə bilər və bunlar haqqda sakinlər dəfələrlə Tovuz Rayon Elektrik Şəbəkənin rəhbərliyinə məlumat versələr də, təəssüflər olsun ki, bu haqda heç bir tədbir görülməyib.

Vaqif ƏHMƏDOV.

1 -dən səhifə 124

Əlaqəli xəbərlər