Giləzidə "Qrad" mərmisi tapıldı

GILEZ2

Fövqəladə Hallar Nazirliyinin “112” qaynar telefon xəttinə Xızı rayonu, Giləzi qəsəbəsinin yaxınlığında açıq sahədə sursat aşkar olunması barədə məlumat daxil olub.

Daxil olmuş məlumat əsasında Nazirliyin Xüsusi Riskli Xilasetmə Xidmətinin pirotexniklər qrupu 17 aprel 2021-ci il tarixində əraziyə cəlb olunub.

Pirotexniklər polis əməkdaşları ilə birgə ərazidə zəruri təhlükəsizlik tədbirləri həyata keçirdikdən sonra aşkar olunmuş sursata baxış keçiriblər. Müəyyən olunub ki, bu, 1 ədəd “Qrad" BM-21 mərmisidir.

Sursat pirotexniklər tərəfindən götürülüb Azərbaycan Respublikasının Minatəmizləmə Agentliyinin (ANAMA) mərkəzi məhvetmə ərazisinə daşınaraq, müvafiq qaydada zərərsizləşdirilib.

Təkrar baxış zamanı sursatın tapıldığı ərazidə digər şübhəli əşya aşkar edilməyib.

Qeyd edək ki, aşkar olunan mərminin 27 avqust 2017-ci il tarixində Müdafiə Nazirliyinə məxsus N saylı hərbi hissənin silah-sursat anbarında baş vermiş partlayışla müşayiət olunan yanğın zamanı əraziyə düşdüyü ehtimal olunur.

 

araz.az

Bakıda yanğın hadisəsi baş verib

yangin12

Fövqəladə Hallar Nazirliyindən verilən məlumata görə, hadisə Nizami rayonunda qeydə alınıb.

Beşmərtəbəli yaşayış binasının 3-cü mərtəbəsində ümumi sahəsi 50 m² olan mənzilin mətbəxində 1 ədəd soyuducu və mebel 0,5 m² sahədə yanıb. Yüksək temperaturdan lambirindən ibarət tavan 10 m² sahədə əriyib. Yanğın zamanı 2 nəfər tüstüdən zəhərlənmə diaqnozu ilə Təcili və Təxirəsalınmaz Tibbi Yardım Stansiyasının həkim briqadasına təhvil verilib.

Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

araz.az

Azərbaycanda 23 yaşlı qız özünü 9-cu mərtəbədən atmaq istədi

intihar

Qəbələ rayonunda intihara cəhd hadisəsi baş verib.

araz.az-ın məlumatına görə, hadisə şəhər ərazisində, hündürmərtəbəli binalardan birində qeydə alınıb.

Belə ki, 23 yaşlı Arzu Qafarova doqquz mərtəbəli yaşayış binasının damına çıxaraq özünü binadan atmaq istəyib. Lakin bu zaman binada təmir işləri aparan ustalar son anda onun intihar cəhdinin qarşısını alıblar. Gənc qızın hansı səbəbdən intihara cəhd etməsi hələ məlum deyil.

Faktla bağlı araşdırma aparılır.

Report

Bakıda YANĞIN

1618667226238BhVQT3l1

Bakıda yanğın olub.

araz.az-ın xəbərinə görə, Xətai rayonu, Zığ şossesi yaxınlığında açıq ərazidə təxminən 60 m² sahədə çəlləklər və taxta tullantıları yanıb.

Hadisə yerinə Fövqəladə Hallar Nazirliyinin Yanğından Mühafizə Xidmətinin əməkdaşları cəlb olunub.

Nazirliyin mətbuat xidmətindən APA-ya bildrilib ki, qısa zamanda yanğın söndürülərək alovun geniş əraziyə yayılmasının qarşısı alınıb.

Pravda.az

"Büyükfırat lahmacun" cərimələndi - SƏBƏB

buyukfirat02İctimai iaşə obyektində 752 monitorinq keçirilib.

araz.az xəbər verir ki, monitorinqlər zamanı 20 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.

Uyğunsuzluqlar aşkar edilən ictimai iaşə müəssisələri aşağıdakılardır:

1. Bakı şəhəri, Nərimanov rayonu‎, Ə. Rəcəbli küçəsi, ev 5 ünvanında yerləşən, fiziki şəxs Kazimova Nəsibə Bəşir qızına məxsus kafe;

2. Bakı şəhəri, Binəqədi rayonu‎, DSK yolunda yerləşən, fiziki şəxs Həsənova Gülçöhrə Cangirovnaya məxsus kafe;

3. Bakı şəhəri, M. Naxçıvani küçəsi, ev 14 ünvanında yerləşən, fiziki şəxs Bağıyev Yusif Seyfullah oğluna məxsus “Qədim Nuxa” restoranı;

4. Bakı şəhəri, Yasamal rayonu,‎ Hüseyn Cavid prospekti, 556/557-ci məhəllədə yerləşən, fiziki şəxs Emin Keklikə məxsus "Büyükfırat lahmacun" restoranı;

5. Bakı şəhəri, Yasamal rayonu, Zahid Xəlilov küçəsi, ev 25B ünvanında yerləşən, fiziki şəxs Mahmudov Vidadi Hüseynqulu oğluna məxsus “Atmosphere” restoranı;

6. Bakı şəhəri, Nəsimi rayonu‎, Əlövsət Quliyev küçəsi 131 ünvanında yerləşən, fiziki şəxs Əliyev Akifə məxsus restoran;

7. Bakı şəhəri, Nizami rayonu‎, Koroğlu metro stansiyasının yaxınlığında yerləşən, fiziki şəxs Məmmədzadə Nazim Qaçay oğluna məxsus “Metro” kafesi;

8. Bakı şəhəri, Xəzər rayonu,‎ Mərdəkan qəsəbəsi, B. Əliyev küçəsində yerləşən, fiziki şəxs Cəlilov Eldar Elmar oğluna məxsus “Dönər House” dönər evi;

9. Bakı şəhəri, Sabunçu rayonu,‎ Ə. Məmmədliyev küçəsi 5 ünvanında yerləşən, fiziki şəxs Nəcəbov Arif Əli oğluna məxsus kafe;

10. Bakı şəhəri, Nizami rayonu‎, Qara Qarayev prospekti 2529 ünvanında yerləşən, fiziki şəxs Salahov Aqşin Ağamirzə oğluna məxsus dönər evi;

11. Bakı şəhəri, Xətai rayonu, ‎Gəncə prospekti, ev 2 ünvanında yerləşən, fiziki şəxs Eyyubov Cahangir Ehtibar oğluna məxsus restoran;

12. Bakı şəhəri, Xətai rayonu, Sarayevo küçəsi 3 ünvanında yerləşən, fiziki şəxs Zülfüqarov Şakir Şahin oğluna məxsus restoran;

13. Bakı şəhəri, Xətai rayonu, Məhəmməd Hadi küçəsi 37 ünvanında yerləşən, fiziki şəxs Məmmədov Samin Mahmud oğluna məxsus çay evi;

14. Sumqayıt şəhəri, 47-ci məhəllədə yerləşən, fiziki şəxs Baxşıyev Rusif Elsevən oğluna məxsus “Dönəriko” dönər evi;

15. Bakı şəhəri, Nəsimi rayonu, Şövqüyar Abdullayev küçəsi 9A ünvanında yerləşən, fiziki şəxs Əliyev Hikmət Yarbala Oğluna məxsus “Egoist” mehmanxanasının tərkibində faəliyyət göstərən restoran;

16. Gəncə şəhəri, 28 May küçəsində yerləşən, fiziki şəxs Əliyev Mübariz Nuru oğluna məxsus restoran;

17. Tovuz rayonu, Alakol kəndində yerləşən, fiziki şəxs Məmmədova Mətanət Zaman qızına məxsus kafe;

18. Ağdaş rayonu, Əliyev pospektində yerləşən, fiziki şəxs Məmmədov Məhəmməd Məhəmmədəli oğluna məxsus kafe;

19. Neftçala rayonu, H. Əliyev prospektində yerləşən, fiziki şəxs Əsədov Rövşən Böyükbala oğluna məxsus kafe;

20. Kürdəmir rayonu, Qarabucaq kəndində yerləşən, fiziki şəxs Rəcəbov Hafis Saleh oğluna məxsus “Ülvi” kafesi.

Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.

Pravda.az

1 -dən səhifə 63

Əlaqəli xəbərlər