Deputatlar Bakıdakı “seks turizmi”nə etiraz etdilər

fahise 180524 093810Deputat Tahir Kərimli qonşuları ilə birlikdə yaşadığı binadan köçmək məcburiyyətində qaldığını bildirib.

“Qafqazinfo” xəbər  verir ki, deputat parlamentdə çıxışı zamanı qeyd edib ki, o, paytaxtın mərkəzi küçələrindən olan Zərifə Əliyeva küçəsində çoxmənzilli yaşayış binalarının birində yaşayır:

“Bildiyiniz kimi, çoxmənzilli təzə binaların aşağı mərtəbələrinin hostel kimi istifadə edilməsinə şərait yaradılıb. Bu isə bir çox hallarda öz mənfi nəticələrini göstərir. Əxlaqsızlıq yuvalarının yaranmasına gətirib çıxarır. Biz qonşularla birgə bezdik və köçmək məcburriyyətində qaldıq. Kimsə özünü qanundan yuxarı göstərir. Belə şeylərə şərait yaradır. Bizim  küçə mərkəzi küçədir. Oradan dünyanın hər yerindən gəlib keçən dövlət və hökumət nümayəndələri var. Birdən bu hal kiminsə qabağına çıxar. Ona görə də binaların belə yuvalara çevrilməsinin qarşısı alınmalıdır”.

 Deputat Araz Əlizadə də ölkədə “seks turizmi”nin yaranmağa başlamasından təəssüfləndiyini bildirib: “İstəsək də bunu yarada bilməyəcəyik. Biz Filippinə, Taylanda çevrilmək istəyirik?! Binalarla bağlı isə onu deyə bilərəm ki, bu cür hostellər yaradılırsa, onun ayrıca giriş qapısı olmalıdır”.

 Günel Türksoy

Əlaqəli xəbərlər