Bu AMEA-da qalmaqalsız gün olmur - Elton Məmmədov işdən çıxarılması ilə barışmır...

elton

İlqar Orucov: “Elton Məmmədovun Ramiz Mehdiyevi məhkəməyə verməsi...”

Son beş-altı ildir ki, Azərbaycan Milli Elmlər Akademiyası (AMEA) elmi nəticələrlə, uğurlarla deyil, qalmaqallarla, məhkəmə davaları, pul yeyintiləri, maxinasiyalarla gündəmə gəlir. Kənardan baxanda belə təsəvvür yaranır ki, AMEA-da elmdən başqa hər şey var, bircə elm yoxdur.

Yeni yayılan məlumata görə, AMEA prezidenti Ramiz Mehdiyevlə qurumun İşlər idarəsinin müdiri Elton Məmmədov arasında qalmaqal davam edir. Aralarında torpaq davasından tutmuş vəzifə mübahisəsinə qədər davam edən gərginlik məhkəmə ilə nəticələnib.

KİV-in yazdığına görə, AMEA Rəyasət Heyəti aparatının İşlər idarəsinin eks müdiri, Ziya Məmmədovun qardaşı Elton Məmmədov qurumu məhkəməyə verib. Səbəb kimi Ramiz Mehdiyevin işdən kənarlaşdırdığı Elton Məmmədovun yerinə kürəkəninin qardaşı Fikrət Əliyevi gətirməsi olub.

Bu barədə mətbuata danışan Elton Məmmədov AMEA-nı məhkəməyə verməsi məsələsini nə təsdiq, nə də təkzib edib: “O mənim hüququmdur. Məhkəməyə verərəm, ya vermərəm, sizə nə? Məlumat vermək istəmirəm. Məhkəmə prosesi gedəndə deyəcəm, zamanında deyiləndə eşidəcəksiniz”.

Mətbuatın yazdığına görə, Elton Məmmədovun AMEA-dakı vəzifəsinə Ramiz Mehdiyevin əmri ilə öz kürəkəni, keçmiş deputat İlham Əliyevin qardaşı Fikrət Əliyev təyin olunub. Ekspertlər deyir ki, son illər AMEA-da elmi hadisələr baş vermir, burada daha çox büdcə oğurluğu, mənimsəmə, büdcə dağıtma cinayətləri, hətta qurumun rəhbərini məhkəməyə vermək halları yaşanır. Bu qurumda nə baş verir? Bəlkə dogrudan da akademiya bir qurum kimi lazım deyil?

Ekspertlər deyir ki, bu qurumda torpaq qalmaqalı, maxinasiyalar və sair imkan vermir ki, akademiya ortaya elmi nəticə qoysun. AMEA-nın elmi imici rəhbərliyi maraqlandırmır?

  • “Demək, burada maraqların toqquşması var”

Azərbaycan Gənc Alim, Doktorant və Magistrlər Cəmiyyətinin sədri, fizika-riyaziyyat üzrə fəlsəfə doktoru İlqar Orucov bildirdi ki, AMEA-da 2013-cü ildən bəri baş verənlər təəssüf, təəccüb və ikrah doğurmaqdadır: “Akademiyanın nüfuzdan salınması, akademiyaya layiq olmayan adamların rəhbər vəzifəyə gətirilməsi təəssüfə səbəb olub. Akademiya kimi nüfuzlu bir qurum nəinki tələblərə cavab verə, dövlətin gözləntilərini doğrulda bilmir, bütövlükdə xoşagəlməz halların, korrupsiyanın, cürbəcür qalmaqalların baş verdiyi bir məkana çevirilib. Halbuki, Akademiya ölkənin ən şəffaf, ən təmiz, ən mötəbər qurumu idi və olmalı idi. Çox təəssüf edirəm ki, AMEA-dakı neqativ hallarla, çəkişmələrlə bağlı KİV-də xoşagəlməz məlumatlar oxuyuruq.

Elton Məmmədovun Ramiz Mehdiyevi məhkəməyə verməsi ilə bağlı məlumatı mən də eşitmişəm. Ümumiyyətlə, Akademiyanın 2013-cü ildən bəri prezident və vitse-prezidentlər, eyni zamanda işlər müdiri sarıdan bəxti gətirmədi. Akademiyanın işlər müdiri prezidentin müavini deməkdir. Yəni akademiya prezidentinin müavini olaraq AMEA-nın işlər müdiri vəzifəsi çox mühüm bir postdur. AMEA-da baş verən dələduzluqların, qeyd etdiyiniz kimi mənzil qalmaqallarının baş verməsində işlər müdirinin məsuliyyəti qaçılmazdı və danılmazdı. Burada baş verənlərin məsuliyyətinin digər bir tərəfdən də AMEA-nın Rəyasət Heyətinin üzərində olduğunu qeyd etmək istəyirəm. Çünki Akademiya kollegial bir qurumdu və Ramiz Mehdiyevin nə deməsindən asılı olmayaraq, qərarları Rəyasət Heyəti qəbul edir. Ramiz Mehdiyevin, ondan əvvəl Akif Əlizadənin bütün neqativ əməllərində Rəyasət Heyəti də məsuliyyəti bərabər olaraq paylaşır. AMEA-nın Rəyasət Heyətində respublikanın bir çox sanballı insanları təmsil olunur, onların arasında Ramiz Mehdiyevin, ondan əvvəl isə Akif Əlizadənin neqativ əməllərinə dəstək verən xeyli sayda insan var. Bu insanları da cəzalandırmaq lazımdı. Necə olub AMEA-nın Rəyasət Heyəti Ramiz Mehdiyevin və Akif Əlizadənin qanunsuz əməllərinə dəstək verib? Niyə onlar məsuliyyətdən kənar qalmalıdır? Onlar da məsuliyyətə cəlb olunmalıdırlar.

Elton Məmmədov qısa müddətdə Akademiyanın işlər müdiri oldu. Bu həmin müddət idi ki, artıq Ramiz Mehdiyevin ətrafında akademiya rəhbərinə yaraşmayan hadisələr baş verdi, toy qalmaqalı oldu. Biz akademiyanın əvvəlki prezidenti Akif Əlizadənin mənzilləri ələ keçirməsi, onun və onun dövründə AMEA-nın işlər müdiri olmuş Fətəli Abdullayevin qanunsuz əməlləri ilə bağlı məsələləri mətbuatda işıqlandırdıq. Ümid edirdim ki, Ramiz Mehdiyevin dövründə özündən əvvəl baş verən bütün neqativliklər araşdırılacaq, bu işləri törədənlər cəzalandırılacaq. Amma bir nəfər də olsun cəzalandırıldımı? Xeyr”.

İ.Orucov qeyd etdi ki, R.Mehdiyev AMEA prezidenti olmazdan əvvəl bu sistemi kurasiya edirdi və bu qurumda baş verənlərin hamısından xəbərdar idi: “Gerçəklik budur ki, Ramiz Mehdiyevlə Akif Əlizadə əlbir olub, bu adamlar birgə işləyiblər. Ramiz Mehdiyev elementar, lakin biabırçı olan mənzil qalmaqalı ilə bağlı araşdırma apardımı, o mənzilləri qanunsuz ələ keçirənlərdən geri alıb kasıb, imkansız, Akademiyanın yataqxanasında şəraitsiz bir otaqda yaşayanlara payladımı? Paylamadı. Niyə bunu  etmədi? Çünki Akif Əlizadənin arxasında Ramiz Mehdiyev durmuşdu. Doğru deyirsiz, AMEA elmdən başqa hər şeylə məşğuldu. Biz Akademiya rəhbərliyinin və onun ətrafının planlaşdırdığı çirkin işlərlə bağlı söhbətləri siyasi mənsubların dilindən eşidirik. Düşünürəm ki, dövlətin müvafiq qurumları bu məsələ ilə bağlı araşdırma aparmalıdırlar, əgər belə hallar varsa, bu insanlar ən ağır cəza ilə cəzalandırılmalıdır, dövlət öz gücünü göstərməlidir. Mən yeznəmin qardaşını gətirib AMEA-ya işlər müdiri qoyuram, bu nə deməkdi? İşlər müdiri AMEA-nın bütün maliyyə məsələlərinə eyni zamanda cavabdehdir. Demək, burada maraqların toqquşması var. Bütün müəssisələrdə maraqların toqquşması deyilən bir sənəd olur. Bu sənəd onu göstərir ki, çox yaxın qohumlarla bir yerdə işləyəndə burada neqativliklər baş verir. AMEA dövlətin ali idarəçilik qurumu deyil, elm siyasəti ilə məşğul olan bir qurumdu. Hansı marağa gətirib qohumunu orada yerləşdirmisən? Mən Elton Məmmədova haqq qazandırmıram, onu müdafiə etmirəm. Bəlkə də Elton Məmmədovun dediklərində həqiqət var, mən bilmirəm. Amma reallıq budur ki, adam öz yaxın qohumunu elə-belə gətirib rəhbərlik etdiyi bir qurumda maliyyə ilə bağlı məsələlərə cavabdeh qoymur. Düşünürəm ki, AMEA artıq bur formada fəaliyyət göstərə bilməz. Təklifim ondan ibarətdir ki, AMEA Təhsil Nazirliyi ilə birləşdirilməlidir. Biz Azərbaycanda elmin, alimin  nüfuzunu qaldırmaq, elmin cəmiyyətin, dövlətin inkişafında rolunu gücləndirmək istəyiriksə elmin idarəolunmasını şəffaflaşdırmalıyıq. Təcili olaraq ölkəmizdə elm, təhsil, innovasiyalar nazirliyi yaratmağı təklif edirəm. Bununla da elmin idarəedilməsində şəffaflığı təmin edərik…”

İradə SARIYEVA

"Mediasiyadan sonra məhkəməyə müraciət edən vətəndaş rüsumun müəyyən hissəsindən azad olunur"

15893011056382

"Rüsumların artırılmasında məqsəd dövlət büdcəsinə daxilolmaların artırılması deyil, məhkəmə aparatı işçilərinin sosial müdafiəsinin gücləndirilməsidir".

araz.az  E-huquq.az-a istinadən  bildirir ki, bunu Nəsimi Rayon Məhkəməsinin hakimi Səməd Cəfərov "Dövlət rüsumu haqqında" Azərbaycan Respublikasının Qanununda edilmiş dəyişikliklər barədə onlayn ictimai müzakirədə çıxış edərkən deyib.

O bildirib ki, ödənilən rüsumlar məhkəmədə bir işə baxılması üçün çəkilən xərclərin çox cüzi hissəsini təşkil edir: "Dövlət büdcəsindən məhkəmə hakimiyyətinə ayrılan vəsait ilbəil artmaqdadır. Ədalət Mühakiməsinin Səmərəliliyi üzrə Avropa Komissiyasının hesabatlarında da görürük ki, dövlət buna xüsusi diqqət yetirir. Bu vəsait hakimlərin və məhkəmə işçilərinin sosial müdafiəsinin gücləndirilməsinə, eyni zamanda məhkəmə binalarının müasir tələblərə uyğunlaşdırılmasına xərclənir. Son zamanlar ölkə ərazisində ən yüksək tələblərə cavab verən məhkəmə binalarının açılması bunu bir daha sübut edir. Bundan başqa, vətəndaşların rahatlığı üçün “Elektron məhkəmə” informasiya sistemi istifadəyə verilib və sair işlər görülüb".

S.Cəfərov məhkəmə rüsumların artırılmasının mediasiyanın inkişafına təkan verəcəyi barədə səslənən fikirlərlə razılaşdığını deyərək əlavə edib ki, bu məsələdə də vətəndaşların mənafeyi düşünülüb. O diqqətə çatdırıb ki, mediasiyada mübahisənin həllinə nail olmadığı təqdirdə, məhkəməyə müraciət edən vətəndaş rüsumun müəyyən hissəsindən azad olunur.

"Məhkəməyə müraciət zamanı mediasiyada çəkilən xərclər nisbətində dövlət rüsumundan azad olma nəzərdə tutlulub. Yəni, vətəndaş mediasiyaya müraciət edib barışıq əldə etməzsə, həmin iddia üzrə məhkəməyə müraciət etdikdə mediasiyaya çəkdiyi xərc miqdarında dövlət rüsumundan azad olunacaq", - deyə hakim qeyd edib.

 

 

araz.az xəbər portalı.

Azərbaycanın 26 vətəndaşı Almaniyadan deportasiya olundu

deport7

Sentyabrın 14-də “Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında Saziş” çərçivəsində 26 Azərbaycan Respublikası vətəndaşı Almaniya Federativ Respublikasından ölkəyə geri qəbul edilib.

Dövlət Miqrasiya Xidmətindən verilən məlumata görə, geri qəbul prosesi Nazirlər Kabineti yanında Operativ Qərargahın pandemiya ilə əlaqədar müəyyən etdiyi qaydalar çərçivəsində həyata keçirilib.

Qeyd edək ki, fəaliyyəti Dövlət Miqrasiya Xidməti tərəfindən əlaqələndirilən Reinteqrasiya üzrə İşçi Qrupu readmissiya olunan Azərbaycan Respublikası vətəndaşlarının üzləşdikləri çətinlik və problemlərin operativ həlli, onların cəmiyyətə səmərəli, dayanıqlı sosial-iqtisadi reinteqrasiyası işinin təşkili istiqamətində müvafiq tədbirlər həyata keçirir.

 

araz.az xəbər portalı.

Ramin Bayramlının atası kimdir? – ÖZƏL

hokm c39e576f93d2f59c5fcd2d3accc3333c 6w54n3tcqa91li0ueyfv 620x460

Göyçədən Bakıya uzanan yolun izi ilə – Araşdırma yazısı

Xəbər verdiyimiz kimi, TƏBİB-in İdarə Heyətinin sədri Ramin Bayramlı istefa verib. İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev onun işdən azad edilməsi ilə bağlı ərizəsini təsdiq edib. Yeni rəhbər təyin edilənə qədər TƏBİB sədrinin səlahiyyətləri müvəqqəti olaraq sədrin müavini Vüqar Qurbanova həvalə edilib.

Mətbuata açıqlama verən Ramin Bayramlının atası Baba Bayramov bildirib ki, oğlundan istefasının səbəbini soruşub: “Dedi, “Ay ata, vallah nə deyim. Gördüm həqiqətən ətrafda narazılıqlar çoxdur. Buna görə istefa verdim ki, yuxarıdan bunu görsünlər. Mən bu vəzifəyə layiqəm, ya yox. Sonra ləkənənməmiş bu istefanı qərarlaşdırdım. Qoy ləkəsiz işdən çıxım”.

B.Bayramov daha sonra ailəsinin həyat tərzindən danışıb: “Mən bir ata olaraq hər zaman öz zəhmətimlə yaşamışam. Atam da müəllim olub. Uşaqlıqdan arı təsərrüfatı ilə məşğul olmuşam. Ailəmi də zəhmətə alışdırmışam. Halal zəhmətimlə təhsil almışam. Bu oğlum Raminə də aiddir. Oğlum Tibb Universitetinin yataqxanasında qala-qala müəllim təyin olundu. Elə yataqxanada da tələbələrinə dərs deyirdi. Ata kimi onun şəraitindən hər zaman narahat olurdum. Qərbi Azərbaycanın Göyçə mahalında, keçmiş Çəmbərək rayonunun Toxluca kəndindən Şəmkirə məcburən qaçqın kimi gəlib, yaşamışdıq. Oğluma görə Şəmkirdən Bakıya köçdüm. Burda bir il kirayədə qaldıq. Sonra zəhmətimizlə bir ev aldıq. Ramin mənimlə bir həyətdə yaşayır. Qərara gəldik ki, daha vaxtdır və onu öz evinə köçürək” – bununla da atası R.Bayramlının son dövrlər yayılan villa məsələsinə də aydınlıq gətirib.

İctimaiyyət keçmiş TƏBİB sədrinin atasının müsahibəsi ilə tanış olsa da, onun kimliyi barədə məlumatsızdır. Hokm.az bununla bağlı araşdırma aparıb.

Beləliklə,

Baba Bayramov 1951-ci ildə Qərbi Azərbaycanın Göyçə mahalında, Krasnaselo rayonunun Toxluca kəndində anadan olub. 1967-ci ildə kənd orta məktəbini bitirib. Bakı Dövlət Universitetinin (BDU) Tarix fakültəsində daxil olmaq istəsə də, bu istəyini reallaşdıra bilməyib. Sumqayıt 5 saylı Texniki peşə məktəbinə daxil olub, ardınca Kimya Kombinatının 82 saylı sexində operator kimi əmək fəaliyyətinə başlayıb.

1970-ci ildə Naxcıvan Dövlət Universitetinin Azərbaycan dili və ədəbiyyat fakültəsinə daxil olur. 1971-1973-cü illərdə sovet ordusu sıralarında hərbi xidmət keçir. 1973-cü ildə doğma kəndi Toxlucada kənd orta məktəbində pioner baş dəstə rəhbəri olaraq fəaliyyətə başlayır. 1977-ci ildə Naxçıvan Dövlət Universitetini bitirir və Azərbaycan dili və ədəbiyyat müəllimi kimi doğma kəndində işləyir. 1988-ci ilin 26 noyabrında məcburən ata-baba yurdunu tərk etməli olur. Göyçə mahalının ən böyük yaşayış yeri olan Toxluca kəndinin erməni siyasəti ilə köç etməsini qələmə alır.

O, “Göycə” şerində yazır:

Sənin həsrətinlə, sənin niskilin,

Yandırır qəlbimi, yandırır, Göyçə.

Ulu nəslimizin məskəni idin,

Kimlərə qalmısan, kimlərə, Göyçə.

Sınaqlı seyidin məzarı hanı,

Belə dağ olarmı, belə dağ tanrı.

Qalx mənim millətim, özünü tanı,

Sızlayır qəlbimin hər teli Göyçə.

Sənin hər daşını, qayanı gəzdim,

Qonaqlı elini, obanı gəzdim.

Yuxuydu deyəmməm, haranı gəzdim,

Oğuzlar yurdunun vüqarı Göyçə.

Məcburən köç edən ailə Şəmkir rayonunun Çənlibel kəndində məskunlaşır. İlk əvvəl Gəncə şəhərində qohum evində qalan ailə sonradan Çənlibel kəndində yaşamalı olur. 1988-ci ilin dekabr ayından Şəmkir rayonu Çənlibel kənd orta məktəbində Azərbaycan dili və ədəbiyyat müəllimi kimi fəaliyyətini davam etdirir. Rayon Təhsil şöbəsi tərəfindən metodist kimi məktəblərə göndərilir, təhsil idarəçiliyi sahəsinə irəli çəkilir. Hazırda paytaxtın Badamdar qəsəbəsində yerləşən 236 saylı orta məktəbin müəllimi, eyn i zamanda tədris işləri üzrə direktor müavinidir.

Dörd övlad atası olan Baba Bayramovun iki oğlu, iki qızı var. Bir oğlunu geniş ictimaiyyət yaxşı tanıyır: bu günlərdə TƏBİB sədri vəzifəsindən istefa verən Ramin Bayramlı. Digər oğlu isə Azərbaycan Dövlət Pedaqoji Universitetini bitirib və həmin universitetdə dərs deyir.

Mikayıl MİRZƏZADƏ

Hokm.az

Vüqar Rəhimzadə: "İctimai nəzarət dayanıqlı inkişafın təminatında vacib amillərdən biridir"

bandicam 2021 09 16 19 42 45 853

“Ölkə Prezidenti İlham Əliyev 2004-cü ildən, yəni regionların sosial-iqtisadi inkişafına dair ilk Dövlət Proqramının icrasına başlandığı vaxtdan  bu günə qədər keçilən yolun təhlili zamanı  daim bildirir ki, bu illər ərzində dayanıqlı inkişafın təmin edilməsi üçün möhkəm baza formalaşdırıldı. Dövlət proqramlarının icrasına başlanan dövrdə Azərbaycanda vaxtilə yaradılmış infrastruktur tamamilə köhnəlmişdi. Təbii ki, belə olan halda ölkədə sənayenin, kənd təsərrüfatının dayanıqlı inkişafından söhbət gedə bilməzdi.

Bu problemlər,  ilk növbədə, gələcək dayanıqlı inkişafı təmin etmək üçün əsasların, dayaqların yaradılmasını şərtləndirdi. Belə bir şəraitdə dövlət başçısı İlham Əliyevin təşəbbüsü və bilavasitə rəhbərliyi ilə   işlənib hazırlanan regional inkişaf proqramlarının uğurlu icrası qarşıya qoyulan məqsədlərə lazımi səviyyədə nail olmağa stimul yaratdı.

Möhtərəm Prezidentimiz ölkəyə rəhbərlik etdiyi ilk gündən bu məqamı da hər zaman dönə-dönə vurğulayır ki, görülən bütün işlərin, həyata keçirilən siyasətin mərkəzində Azərbaycan vətəndaşı dayanır. Azərbaycan vətəndaşının yaxşı yaşaması və rifahı  üçün bütün imkanlar yaradılmalıdır. Bu prinsipləri özünün gündəlik fəaliyyətində rəhbər tutan Prezident İlham Əliyevin həyata keçirdiyi uğurlu sosial-iqtisadi siyasət nəticəsində bölgələrdə yaradılmış münbit şərait  regionların hərtərəfli inkişafını təmin etməklə yanaşı,  şəhərlərə miqrasiyanın da qarşısını alır. Artıq əminliklə söyləmək olar ki, bu gün  insanlar şəhərlərdən kəndlərə qayıdırlar. Çünki bölgələrin, kənd və qəsəbələrin siması tamamilə dəyişib, yenilənib, bu yaşayış məntəqələrində normal həyat şəraiti üçün bütün zəruri infrastruktur yaradılıb. 2004-cü ildə dövlət başçısı İlham Əliyevin irəli sürdüyü “Neft kapitalını insan kapitalına çevirək!” tezisinin reallıqda öz təsdiqini tapması istiqamətində atılan davamlı addımların uğurlu nəticələri  artıq göz önündədir. İqtisadiyyatın şaxələndirilməsi  enerji sektorundan asılılığın minimuma endirilməsinə gətirib çıxardı. Bunun nəticəsidir ki, bu gün Azərbaycan iqtisadiyyatı dünyada çoxşaxəli iqtisadiyyat kimi tanınır. Ümumi daxili məhsulun tərkibində qeyri-neft sektoru üstünlük təşkil edir. Sahibkarlığın inkişafı iqtisadiyyatın şaxələndirilməsində öz müsbət rolunu oynayır. Çünki qeyri-neft sektoru sahibkarlığın inkişafı hesabına əhəmiyyətli dərəcədə tərəqqi edir.”

Bu fikirləri Yeni Azərbaycan Partiyası (YAP) Xətai rayon təşkilatının sədri, siyasi elmlər doktoru Vüqar Rəhimzadə Demokrat.az-a açıqlamasında bildirib.

V.Rəhimzadə qeyd edib ki,  sentyabrın 14-də ölkə Prezidenti İlham Əliyev Rafiq Cəlilovu Cəlilabad Rayon İcra Hakimiyyətinin başçısı və Rəşad Tağıyevi Şəmkir Rayon İcra Hakimiyyətinin başçısı təyin olunmaları ilə əlaqədar videoformatda qəbul edərkən regional inkişaf proqramlarının uğurlu icrasının Azərbaycanın qarşısında açdığı geniş imkanlardan bəhs edərək bütün dövrlər üçün aktuallığını qoruyan bu vəzifələri  bir daha xatırlatmışdır: Dövlət məmuru nümunə olmalıdır. Yerlərdə insanların dolanışığı,  rahatlığı dövlət məmurunun fəaliyyətindən asılıdır. Onlar elə işləməlidirlər ki, daim insanlarla bir yerdə olsunlar. İnsanların qayğıları ilə maraqlanmaq və həlli istiqamətində addımlar atmaq hər bir dövlət məmurunun qarşısında əsas vəzifə kimi qoyulur. Məmur-vətəndaş münasibətlərinin sivil qaydada tənzimlənməsi vətəndaş məmnunluğunu artırır. Bu,  günümüzün əsas tələbidir. 


“Regional inkişaf proqramlarına uyğun olaraq bölgələrdə görülən işlərin miqyası daha da genişləndirilir” söyləyən Vüqar Rəhimzadə vurğulayıb ki, Prezident İlham Əliyevin  bölgələrə hər səfəri yeni sosial obyektlərin açılışı və təməlqoyma mərasimlərinin keçirilməsi ilə yadda qalır: “Nəzərə alsaq ki, ölkəmizin həyatında yeni mərhələ- işğaldan azad edilmiş ərazilərimizdə bərpa və quruculuq işləri həyata keçirilir, bu halda dövlət məmurlarının üzərinə düşən məsuliyyətin daha da artdığını əminliklə söyləyə bilərik. Cənab İlham Əliyev işğaldan azad edilmiş rayonlarla yanaşı, digər bölgələrin də tərəqqisini daim diqqət mərkəzində  saxlayır. Sözügedən qəbulda bölgələrdə sahibkarlığın inkişafı, yerli və xarici investisiyaların cəlb edilməsi ilə  bağlı səsləndirilən təkliflər, qarşıya qoyulan vəzifələr də bunu təsdiqləyir. Möhtərəm Prezidentimiz bir daha xatırlatdı ki, sahibkarlara investisiyalarını yatırmaq, yeni iş yerləri yaratmaq üçün  imkan verilməlidir.  Sahibkar əmin olmalıdır ki, o, ancaq dövlətin vergisini ödəməlidir.”

YAP Xətai rayon təşkilatının sədri bildirib ki, Prezident İlham Əliyev hələ  2013-cü ildə  “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nın icrasının dördüncü ilinin yekunlarına həsr olunmuş konfransda bu məqamı xüsusi vurğulamışdı ki,  hər bir icra başçısını mən vəzifəyə təyin edərkən, onu qəbul edərkən ona bir neçə əsas istiqaməti göstərirəm: inkişaf, quruculuq, səmərəli iş, təvazökarlıq və insanlara xidmət! Məhz bu prinsiplərin vəhdətliyi, birlik, həmrəylik qarşıya qoyulan hədəflərin reallıqda öz əksini tapmasını stimullaşdırır. Azərbaycanı inkişaf etmiş ölkələr sırasında görmək istəyimizin reallıq olduğu həyata keçirilən uğurlu sosial-iqtisadi islahatların fonunda daha aydın görünür.



V.Rəhimzadə qeyd edib ki, dövlət başçısı İlham Əliyev yeni təyin olunan icra hakimiyyəti başçılarını videoformatda  qəbul edərkən  hər kəsin qanun qarşısında eyni məsuliyyəti daşımalı olduğunu bir daha qətiyyətlə bəyan etdi: “Ölkə  Prezidenti diqqəti bəzi hallarda  nəzərə çarpan məmur özbaşınalıqlarına, bəzi vəzifəli şəxslərin, xüsusilə icra hakimiyyəti başçılarının  şəxsi mənafelərini ictimai və dövlət maraqlarından üstün tutmalarına,  talançılığa, rüşvətxorluğa, korrupsiyaya qurşanmalarına,  insanların qayğı və problemlərinə laqeyd yanaşmalarına,  rayonların qarşısında dayanan  gündəlik problemlərlə deyil, öz şəxsi problemləri ilə, şəxsi biznesləri ilə məşğul olmalarına yönəldərək bu kimi halların  insanların haqlı narazılığına səbəb olduğunu diqqətə çatdırdı. Bildirdi ki, bu əməllərə sahib olan  yüksək vəzifəli məmurlar, yerli və mərkəzi icra orqanlarının rəhbərləri, eyni zamanda, sabiq rəhbərlər, nazirlər, icra başçıları cinayət məsuliyyətinə cəlb edilmişlər və bundan sonra da belə hallara yol verənlər ciddi  cəzalandırılacaqlar . Dövlət başçısı bir daha bu çağırışı etdi ki,  heç kim məsuliyyətdən canını, yaxasını qurtara bilməz. Əgər məmurlar öz işlərində yenə də bu çirkin əməllərdən əl çəkməsələr, onların da aqibəti eyni olacaq.”

İctimai nəzarətin dayanıqlı inkişafın təmin edilməsində əsas amillərdən biri olduğunu bildirən Vüqar Rəhimzadə qeyd edib ki, vətəndaş məmnunluğunu artırmaqla, şəffaflığı təmin etməklə hədəflərə yüksək səviyyədə nail olmaq mümkündür: “Bütün dünyada Azərbaycan brendi kimi tanınan  və şöhrət qazanan “ASAN xidmət”, DOST layihələrinin uğurlu icrası bu məqsədlərə qısa zamanda çatmağa stimul verir. İşğaldan azad edilmiş ərazilərimizdə də bu mərkəzlərin yaradılması nəzərdə tutulur. Bir sözlə,  bu gün Azərbaycanda vətəndaş amili uğurla həyata keçirilən dövlət siyasətinin əsasını təşkil edir.”

 

araz.az xəbər portalı.

1 -dən səhifə 1790

Əlaqəli xəbərlər