“Lazım olmayan yerlərdə də radar quraşdırılır” — Millət vəkili

Hikmet BabaogluTəhlükəsizliyimizi təmin edən bu sahəni yeni qaydalarla nizamlamalıyıq.

Araz.az xəbər verir ki, bunu millət vəkili Hikmət Babaoğlu “Yol hərəkəti qaydaları haqqında” qanuna dəyişikliklərin müzakirəsi zamanı deyib.

Onun sözlərinə görə, bu qanuna kosmetik dəyişikliklər edilməməli, bütövlükdə yeni yanaşma olmalıdır:

“Təhlükəsizliyimizi təmin edən bu sahəni yeni qaydalarla nizamlamalıyıq. Məsələn, əvvəlcə qanun qəbul etmişdik ki, sürücü avtomobil idarə edərkən üzərində sürücülük vəsiqəsi yoxdursa, bu müxtəlif cərimələrin tətbiq olunmasına gətirib çıxarmırdı. Bu gün Azərbaycanda elektron hakimiyyət yaradılır. Bütün hüquqi münasibətlər elektron internet sistemi üzərindən qurulur. Belə olanda sürücünün üzərində sürücülük vəsiqəsinin olub olmamasının yol polisi üçün nə fərqi var? Onlar xüsusi vasitə ilə bunu dəqiqləşdirə bilərlər. Bu süni maneədir”.

Millət vəkilinin fikrincə, qanun bu sahənin təhlükəsizliyinin təmin edilməsi üçün olmalıdır:

“Amma biz nə edirik? Bəzi hallarda lazım olmayan yerlərdə də radar dediyimiz xüsusi qurğunu yerləşdiririk. Beləliklə, bu hal da sürücülərdə kütləvi mənfi emosiya doğurur və idarəetmədə təhlükəli hallar yaranır. Nəticə etibari ilə təhlükəsizlik əvəzinə təhlükəli vəziyyət yaradırıq. Ona görə də bu sahədə yeni qanunlar təhlükəsizliyiə xidmət etsin “

Mürtəza
Ölkə.az

Əlaqəli xəbərlər