“Araz” məlumat verir ki, Baş Prokurorluğun İstintaq İdarəsi tərəfindən aparılan araşdırma nəticəsində “Vətəndaş Hüquqları” İnstitutunun rəhbəri Bəşir Süleymanlı cinayət məsuliyyətinə cəlb edilib.

B. Süleymanlı vəzifə səlahiyyətlərindən sui-istifadə etmə, vəzifə saxtakarlığı və cinayət yolu ilə əldə edilmiş pulları leqallaşdırma maddələri ilə təqsirləndirilən şəxs qismində cəlb olunub.

Binəqədi Rayon Məhkəməsinin qərarı ilə onun barəsində 3 ay 28 günlük həbs qətimkan tədbiri seçilib.

“Seçki Müşahidə” Alyansının icraçı direktoru Alpay Məmməd də cinayət məsuliyyətinə cəlb edilib və barəsində 3 ay 28 günlük həbs qətimkan tədbiri seçilib.

“Media Hüququ” İnstitutunun koordinatoru Xalid Ağəliyevin, “Hüquq və İnkişaf” İctimai Birliyinin rəhbəri Hafiz Həsənovun və “Seçki Müşahidə” Alyansının rəhbəri Məmməd Məmmədzadənin də saxlanılanlar arasında olduqları barəsində məlumat var. Ümumiyyətlə, adıçəkilən qurumlarda araşdırmanın davam etdiyi bildirilir. Hələ də həbsə məhkum edilənlərin  olacağı gözlənilir. 

Tərəfimizdən cinayət işinin detalları dəqiqlışdirilir.

Səməndər QURBANOV,

araz.az xəbər portalı.