Türkiyənin müxalifətdəki Cümhuriyyət Xalq Patiyasının (CHP) prezidentliyə namizədi Əkrəm İmamoğlunun universitet diplomu ilə bağlı qərar verilib. “Araz” qəzeti xəbər verir ki, İstanbul Böyükşəhər Bələdiyyə (İBB) sədrinin diplomu ləğv edilib və bununla da onun prezidentliyə gedən yolu qapanıb.

Qeyd edək ki, Əkrəm İmamoğlu İstanbul Universitetini bitirib. Lakin bakalavr həyatına Şimali Kipr Türk Cümhuriyyətindəki Girnə-Amerikan Universitetində başlayıb, daha sonra İstanbul Universitetinə keçid edib.

Bu keçidin qanunsuz olması ilə bağlı İstanbul Universitetinin Təftiş Komissiyası tərəfindən qərar, Ali Təhsil Qurumu (YÖK) tərəfindən isə rəy verilib. Bunlara əsasən diplom ləvğ edilib.

Xatırladaq ki, Türkiyə Konstitusiyasının 101-ci maddəsində prezidentlik üçün müəyyən edilmiş tələblərdən biri də universitet məzunu olmaqdır.

araz.az xəbər portalı.