“Araz” qəzeti xəbər verir ki, bu gün böyük xeyriyyəçi, vətənpərvər iş adamı, milyonlarla insanın qəlbində özünə yer edən “Palmalı” Şirkətlər Qrupunun sahibi Mübariz Mənsimovun doğum günüdür. 
Onun doğma Vətənə, millətə olan sevgisi, xeyirxah əməlləri və prinsipial mövqeyi hər bir azərbaycanlı üçün nümunədir.

Həyatında enişli-yoxuşlu mərhələləri də görən Mübariz Mənsimov bu sınaqdan da alnıaçıq çıxdı.

Həbs edildiyi dönəmdə istər Türkiyədə, istərsə də Azərbaycanda yüz minlərlə, milyonlarla insan onu bir gün də olsa unutmadı.

Hər gün onun üçün dua etdi.

Bu, bir daha Mübariz Mənsimovun xalqın qəlbində hansı yer tutmasının göstəricisi idi.

Azərbaycanın şanlı 44 Günlük Vətən Müharibəsi qəhrəmanlarını, şəhidlərinin adını uca tutan, onların qəhrəmanlıqlarını gələcək nəsillərə çatdırılması üçün də öz töhfəsini verdi.

Bu gün onun sahibi olduğu tankerlər dünya sularında bizim qəhrəmanlarımızın adını daşıyır.

Bu gün yüzlərlə tələbəyə, imkansız xəstələrə, qazilərə dəstəyi də göz önündədir.

Onun İstanbulda yaşayan azərbaycanlı şagirdlər üçün isə məktəb açmasının hansı böyük əhəmiyyət kəsb etdiyini hamı dərk edir.

Biz də ona uzun ömür, möhkəm can sağlığı, ailə səadəti və fəaliyyətində uğurlar arzulayırıq!

Xeyirxah işləriniz daim yolunuzu işıqlandırsın!

Ad gününüz mübarək, gözəl insan! /gununsesi.info/

 

 

araz.az xəbər portalı.