Ukrayna Prezidenti Volodimir Zelenski, Rusiya lideri Vladimir Putinin sağlamlıq vəziyyəti ilə bağlı fikir bildirib.

“Araz” cebheinfo.az-a istinadən xəbər verir ki, Zelenski dünən Fransa Prezidenti Emmanuel Makronla görüşdən sonra Parisdə jurnalistlərə verdiyi müsahibəsində Rusiya liderinin “tezliklə öləcəyini” deyib.

“Putin tezliklə öləcək, bu bir faktdır və son olacaq”, — deyə Zelenski bildirib.

Belə ki, Vladimir Putinin sağlamlıq problemləri ilə mübarizə apardığı barədə yayılan şayiələr fonunda xərçəng və ya Parkinson xəstəliyinə tutulduğu iddiaları edilir.

72 yaşlı liderin son illərdə şişmiş üzü, səğirən ayağı və qan çanağına dönmüş gözləri bu şayiələri daha da gücləndirib.

2022-ci ildə Rusiya liderinin o zamankı müdafiə naziri Sergey Şoyqu ilə keçirdiyi iclasda, kresloda qaməti əyilmiş halda oturması, masanı möhkəm tutması və sözləri udqunaraq danışması diqqət çəkmişdi.

Bundan əlavə, onun davamlı öskürdüyü, əllərində və ayaqlarında qeyri-iradi titrəmələr olduğu barədə məlumatlar yayılıb.

Həmçinin, Zelenski verdiyi müsahibədə Putinin “Avropa İttifaqını daxildən zəiflətməyə çalışdığını” da iddia edib. 

araz.az xəbər portalı.