Bir-neçə il öncə qardaşım Turqay Rzayevə Aşura mərasiminə qatılmaq üçün məscidə getməyi təklif etdim. O da razılaşdı. Əslində istəyim ona islamın mahiyyətini, İmam Hüseynin fədakarlığını izah etmək, heç olmasa, dinimizin gözəlliklərini göstərmək idi.

28 Maydan İçərişəhər məscidinə qədər ayaqla getmək qərarına gəldik. Etiraf edim, yol boyu azərbaycanlı gənclərin əllərində su ilə dayanıb, gələn-gedənə təmənnasız şəkildə təklif etməsi, Nizami küçəsində halva paylamaları bizdə çox xoş təəssürat yaratdı.

Ta ki, ərəb turistlərlə qarşılaşana qədər…

Ərəb turistlər Nizami küçəsində gəzir, yüksək səslə musiqi dinləyir, əylənirdilər. Onlara verilən ehsan sularını bir az içib zibil qutularına atır, hətta bəziləri küçədə qadınlara yaxınlaşmağa cəhd edirdilər.

Məhz burada qardaşımın həyatım boyu eşitdiyim ən ağır sualı ilə üzləşdim:

“İmam Hüseyn ərəb deyil? Biz onun üçün məscidə gedirik, amma bunlar sanki heç Kərbəla adlı bir hadisə olmayıbmış kimi kef edirlər…”

Bu sual illərdir qulağımdan getmir. Ərəb turistlərin şəhidlərimizə qarşı etdiyi hörmətsizliyi gördükdən sonra qardaşımın dediklərini bir daha düşündüm. Amma onu da deyim ki, mən heç təəccüblənmədim. Kərbəla şəhidlərinə hörmət göstərməyən bir millətin bizim şəhidlərimizə hörmət edəcəyini gözləmək sadəlövhlük olardı.

Burada məqsədim etnik nifrət yaratmaq deyil, amma təəssüf ki, bir çox ərəb turist illərdir bu və bənzəri şeyləri edir. Hər il ölkəmizə gələn ərəblər yeyir, içir, əylənir, qızlarımıza söz atır, əllərinə ov tüfəngi alıb normal bir Azərbaycan vətəndaşının girmədiyi qoruqlara daxil olub ov edirlər. Necə ki, əsrlər öncə babaları bura gəlib sərvətlərimizi talamış, qız-gəlinlərimizi zorlamışdılar.

Yeri gəlmişkən, onların törəmələri olan seyidlərin başına indi bir çoxumuz and içirik. Düşünün, biz bu vələdi-zinaları müqəddəs görüb onların başına and içirik, onların uzaq qohumları isə burda kef çəkir, şəhidlərimizə hörmətsilik edirlər.

Şəxsi görüşüm belədir ki, ərəblər islah olunmaz bir millətdir. Elə buna görə də son peyğəmbər məhz onlara göndərildi. Onu da deyim ki, bir millətə peyğəmbər gəlməsi şərəf yox, ilahi təhqirdir.

Allah bütün şəhidlərimizə rəhmət eləsin. İnanıram ki, Azərbaycan polisi şəhidlərimizə hörmətsizlik edən bu şəxslərə layiqli cəza verəcək!

https://www.facebook.com/share/v/15ubzcoULy/

araz.az xəbər portalı.