Hal-hazırda dünyada 8 milyarddan çox insan yaşayır. Maraqlıdır, bəs görəsən tarix boyu planetimizdə nə qədər insan yaşayıb? İlk Homo sapiensin (insan) ortaya çıxmasından bu yana nə qədər insan doğulub?

İnsanların ümumi sayını hesablamazdan əvvəl, ilk öncə saymağa hansı nöqtədən başlamaq lazım olduğunu müəyyən etmək lazımdır. Müasir elm adamları hesab edirlər ki, Homo sapiens təxminən 300 000 il əvvəl Afrikada yaranıb. Bununla belə, uzun müddət insanların sayı çox az olub –- qədim dövrün müxtəlif dövrlərində orta hesabla 10 000-dən 100 000-ə qədər.

Əhali artımı təxminən 10 000 il əvvəl kənd təsərrüfatının inkişafı ilə başlayıb və daha sonra sənaye inqilabı zamanı həyat şəraiti yaxşılaşdıqca sürətlənib.

Alimlər öz hesablamaları üçün bir-neçə əsas amildən istifadə ediblər:

•Müxtəlif tarixi dövrlərdə əhalinin təxmini sayı;
• Orta ömür müddəti;
• Bir qadına düşən doğumların orta sayı.

Mütəxəssislərin fikrincə, ilk Homo sapiensin meydana çıxmasından bəri Yer kürəsində təxminən 117 milyard insan doğulub.
Bəli, planetimizdə indiyədək 117 000 000 000-dan çox insan yaşayıb!

Doğulanların sayında artımın təxmini dinamikası belədir:

• 50 000 il əvvəl – cəmi 2 milyona yaxın doğuluş.
• 10 000 il əvvəl – təxminən 50 milyon.
• Eramızın 1-ci ilində – təxminən 300 milyon.
• 1500-cü ildə – təxminən 450 milyon.
• 1800-cü ildə – təxminən 1 milyard.
• 1900-cü ildə – təxminən 1,6 milyrd.
• 1950-ci ildə – 2,5 milyarddan çox.
• 2025-ci ildə – 8 milyarddan çox.

Bu gün Yer kürəsində 8,21 milyarddan çox insan yaşayır ki, bu da indiyədək mövcud olmuş insanların ümumi sayının təxminən 7 faizini təşkil edir.

BMT-nin proqnozlarına görə, 21-ci əsrin sonuna qədər insanların sayı artmaqda davam edəcək və 10-11 milyard nəfərə çatacaq, bundan sonra artım yavaşlayacaq. Gələcəkdə insanlar başqa planetlərdə məskunlaşa və ya texnologiya ilə özlərini dəyişdirə bilərlər, lakin doğulan insanların son sayı açıq sual olaraq qalır.

Elşad SƏFƏROV.

araz.az xəbər portalı.