Qara dənizdə ardıcıl iki tanker insidenti qeydə alınıb. Arazpress.com xəbər portalı bildirir ki, bu xəbəri AZ24.az Türkiyə mətbuatına istinadən yayıb. Həmin xəbərə görə, “Kairos” adlı tanker Türkiyə sahillərindən təxminən 28 dəniz mili məsafədə partlayış nəticəsində yanıb. Gəmidə olan 25 nəfər heyət üzvü təhlükəsiz şəkildə xilas edilib.

Bölgədə başqa bir tankerin — “Virat”ın da zərbə aldığı bildirilib. Qeyd olunub ki, bu tankerin texniki hissəsində yanğın və tüstülənmə müşahidə olunub.

Partlayışın səbəbi hələ dəqiqləşməyib. Bəzi məlumatlarda mina, bəzilərində isə hücum ehtimalı qeyd edilir.

Türkiyə sahil mühafizəsi və xilasetmə qüvvələri hadisə yerlərinə cəlb edilib və ərazidə təhlükəsizlik tədbirləri gücləndirilib.

araz.az xəbər portalı.