Martın 13-dən cümə axşamına keçən gecə fransalı deputatlar Avropa İttifaqı və İttifaq ölkələrini Rusiyanın dondurulmuş aktivlərini dərhal müsadirə etməyə və Ukraynaya hərbi dəstək və ölkənin bərpası üçün istifadə etməyə çağıran qətnamə qəbul ediblər.

“Araz” bildirir ki, xəbər tam təsdiqini tapıb. Məlum olub ki, bir-neçə saatlıq müzakirələrdən sonra yekun sənəd Milli Assambleyanın 288 üzvü tərəfindən dəstəklənib. 54 deputat isə əleyhinə səs verib. Bunlar əsasən erkən atəşkəsə çağıran və “nüvə gücü” Rusiya ilə münasibətlərdə gərginliyi artırmamağa çağıran ifrat sol qüvvələrin nümayəndələridir.

Onu da qeyd edək ki, Avropa İttifaqı Rusiyanın 200 milyard avrodan artıq maliyyə vəsaitini dondurub.

araz.az xəbər portalı.