Son zamanlar Rusiya ilə Azərbaycan arasında yaşanan gərginlik davam edir.

Arazpress.com Gununsesi.info–nun Rusiyadakı mənbələrə istinadən verdiyi xəbərə görə bildirir ki, bu ölkənin hüquq-mühafizə orqanları azərbaycanlıların kompakt çalışdığı ayrı-ayrı bazarlara reydlər keçirir. Bu reydlər zamanı yüzlərlə azərbaycanlı polis bölmələrinə aparılır.

Məlumata görə, Moskvanın ən böyük ticarət mərkəzlərindən biri olan “Food City”yə belə basqın gözlənilir.

Adıçəkilən bazarda çalışan şəxslərin sayta verdiyi məlumata görə, bazar administrasiyası tərəfindən onlara bu barədə xəbərdarlıq edilib. Xəbərdarlıqda bilirilir ki, sənədləri qaydasında olmayan şəxslər bir müddət bazara daxil olmasın.

Soydaşlarımızın sözlərinə görə, Rusiyanın Ukraynaya qarşı müharibəsi başlanandan sonra, bu ölkənin ordusuna dəstək məqsədilə “Food City”də pulyığma kampaniyası keçirlib.

“Bazarın əsas sahibi olan Qod Nisanovun təşəbbüsü ilə gerçəkləşən bu kampaniya zamanı rus ordusuna milyonlarla vəsait köçürülüb. Pulun əsas hissəsi Qod Nisanovun olsa da bazarda çalışan minlərlə azərbaycanlı olaraq biz də bu təşəbbüsə qoşulduq”, — deyə, soydaşlarımız əlavə edib.

Son proseslərdən narahat olan azərbaycanlılar bazarın sahibi olan Qod Nisanov və İlham Rəhimovdan kömək gözlədiklərini deyib. 

araz.az xəbər portalı.